Kabita- Manchhe Bhitra Chha Kandara

मान्छे भित्र छ कन्दरा
कन्दरा भित्र छन् मान्छे मान्छे भित्र छ कन्दरा
बोकी विज्ञानका थैला भाव बोक्ने यी कन्दरा
हामी हौं कन्दरालाई हाम्रो अस्तित्व कन्दरा
अनुसन्धानको बाटो, विषय पनि कन्दरा

कन्दरामा गरौं खेती कृषिमा क्रान्ति ल्याउने
आन्दोलित मनका द्वन्द हटाई शान्ति छाउने
यो गाउँ यो नगर जिल्ला यो देश मन भित्रका
कन्दराबाट देखिन्छन् नभमणि प्रदीप्तिका

कन्दरा पढ्नकै लागि हामी साक्षर बन्नुछ
कन्दरा पुग्नकै लागि चक्रेटो बाटो खन्नु छ
ज्ञानको प्यासको साथै देहको प्यास मेटने
टाढाको मूलको पानी कन्दरामा पुर्‍याउने

छातीमा हात राखेर हामीले प्रण गर्नुछ
निर्जीवका मुटु छामेर आस्थाको प्राण भर्नुछ
गरी मातृत्वको रक्षा, स्वास्थ्य शिक्षा सचेतन
उद्योगी बन भन्दैछ कन्दराका सबै जन

आत्म निर्भरको बाटो संलग्न लघु वित्तमा
गरौं सम्बन्ध विस्तार जुटेर कार्यतन्त्रमा
कन्दराका धनी हामी विश्वको देश कन्दरा
उज्यालो कन्दरा पारौं खोजेर भित्र कन्दरा

गुराँस कन्दरा भित्रै भाँती भाँती छ कन्दरा
सिंगो आकाश बोकेर गर्व गर्दछ कन्दरा
भाइ र गाईका ताँती गोधूलीमा यो कन्दरा
पूर्र्णोको चन्द्र पर्खेको आशावादी छ कन्दरा